Ogmin Dechen Ling is a Buddhist center founded by Khenpo Paljor Gyatso. The Center offers Khenpo's teaching and guidance in Buddhist theory and practice. It is located in the East Bay near San Francisco, California. Currently the Center's new permanent location is nearing completion. Check for updates that will provide the schedule at the new location.

Khenpo also offers teachings at venues in San Francisco and Broadmoor California. A new series of lectures is planned to begin in June 2015 at the Broadmoor location just south of the San Francisco city limits. Details will be available soon.Khenpo also provides individual consultations and teachings for all levels of meditation practitioners. Contact Khenpo for more information or scheduling at khenpopaljor@gmail.com.

The name Larung Ogmin Dechen Ling is significant in Buddhist tradition. Its meaning is elucidated in the following passages from the Buddhist classics in Tibetan. These will be translated into English in a later update of this page.

མདོ་སྡེ་རྒྱན་ལས། གྲོགས་སྟོབས་རྒྱུ་སྟོབས་རྩ་བའི་སྟོབས། །ཐོས་སྟོབས་དགེ་བ་གོམས་པ་ལས། །མི་བརྟན་པ་དང་བརྟན་འབྱུང་བ། །གཞན་གྱིས་བསྟན་པའི་སེམས་བསྐྱེད་བཤད། །ཞེས་གསུངས་པ་ལྟར་ཐེག་ཆེན་ཐུན་མོང་མ་ཡིན་པ་ལྟར་ན། བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཚད་མའི་བདག་ཉིད་ཅན་དེས་སྔོན་སློབ་པ་ལམ་གྱི་དུས་སུ་བྲམ་ཟེ་རྒྱ་མཚོའི་རྡུལ་ཞེས་པའི་སྐྱེ་བ་བཞེས་ཚེ་དེ་བཞིན་གཤེགས་པ་རིན་ཆེན་སྙིང་པོའི་དྲུང་དུ་སྨོན་ལམ་ཆེན་པོ་ལྔ་བརྒྱ་བཏབ་ཏེ་སེམས་དང་པོ་བསྐྱེད་པ་དང༌། རྫ་མཁན་གྱི་བུ་ཁྱེའུ་སྣང་བྱེད་དུ་གྱུར་ཚེ་ཐུབ་པ་ཆེན་པོའི་དྲུང་དུ་བྱང་ཆུབ་མཆོག་ཏུ་ཐུགས་བསྐྱེད་པ་དང༌། ཡང་དམྱལ་བའི་གནས་སུ་ཤིང་རྟ་འདྲེན་པའི་ཚེ་གྲོགས་ཀ་མ་རུ་པ་ལ་སྙིང་རྗེ་སྐྱེས་ཏེ་སེམས་བསྐྱེད་པ་སོགས་དང་པོ་བྱང་ཆུབ་མཆོག་ཏུ་ཐུགས་བསྐྱེད། བར་དུ་བསྐལ་ཆེན་གྲངས་མེད་གསུམ་དུ་སངས་རྒྱས་གངྒའི་ཀླུང་གི་བྱེ་མ་སྙེད་ལ་བསྙེན་བཀུར་ཏེ་རྫོགས་སྨིན་སྦྱང་པ་མཐའ་རུ་ཕྱིན་ནས། མཐར་འོག་མིན་སྟུག་པོ་བཀོད་པ་ལྔ་ལྡན་ལོངས་སྐུའི་ཞིང་དུ་སངས་རྒྱས། མཐར་སྐུ་དེ་ལས་མ་གཡོས་བཞིན་འཛམ་བུའི་གླིང་འདིར་མཆོག་གི་སྤྲུལ་སྐུའི་ཚུལ་དུ་བྱོན་ཏེ་ཡང་སངས་རྒྱས་པའི་ཚུལ་བསྟན་པར་གསུངས་ཏེ། རྒྱན་སྟུག་པོ་བཀོད་པའི་མདོ་ལས། ཡང་དག་སངས་རྒྱས་བྱང་ཆུབ་ཏུ། །འཚང་རྒྱ་འོག་མིན་གནས་མཆོག་ཏུ། །སངས་རྒྱས་མ་གྱུར་འདོད་ཁམས་སུ། །སངས་རྒྱས་མཛད་པ་མི་མཛད་དེ། །དེ་དག་སྟུག་པོའི་ཞིང་གཤེགས་ནས། །སངས་རྒྱས་སྤྲུལ་བ་བྱེ་བ་ཡིས། །རྟག་ཏུ་རྣལ་འབྱོར་མཉམ་པར་བཞག ། སྤྲུལ་པ་དག་དང་ཐབས་གཅིག་རོལ། །ཐམས་ཅད་ཞིང་དུ་ཟླ་བ་ལྟར། །གང་ལ་གང་གིས་དབང་སྒྱུར་བ། དེ་ལ་དེར་སྟོན་འབྱུང་བ་སྟེ། །ཞེས་དང༌། ལང་ཀར་གཤེགས་ལས། གཙང་མའི་གནས་དག་རྣམ་སྤངས་པའི། །འོག་མིན་སྟུག་པོ་ཉམས་དགའ་བར། །ཡང་དག་སངས་རྒྱས་དེར་སངས་རྒྱས། །སྤྲུལ་བ་པོ་ཞིག་འདིར་འཚང་རྒྱ། ། ཞེས་གསུངས་པ་ལྟར་རོ། ། དེ་ལ་འོག་མིན་གྱི་གནས་དང་འོག་མིན་སྟུག་པོ་བཀོད་པ་ཞེས་པ་དེ་གཉིས་དོན་གཅིག་མ་ཡིན་ཏེ། དེ་ལ་འོག་མིན་གནས་ཞེས་པ་ནི། དེ་ནི་སོ་སོ་སྐྱེ་བོའི་སྤྱོད་ཡུལ་མིན་པའི་ཐེག་དམན་འཕགས་པ་རྣམས་སྐྱེ་བ་ལེན་སའི་གནས་ཤིག་སྟེ། སྤྱིར་འདོད་ཁམས་དང༌། གཟུགས་ཁམས། གཟུགས་མེད་ཁམས་གསུམ་ཡོད་པའི་ནང་གསེས་གཟུགས་ཁམས་ལ་བསམ་གཏན་གནས་བཞི་ཡོད་པ་དང༌། བསམ་གཏན་བཞི་པའི་གནས་ལ་སོ་སྐྱེའི་གནས་གསུམ་དང་འཕགས་པའི་གནས་ལྔ་ཡོད་པའི་འཕགས་པའི་གནས་ཀྱི་ནང་གསེས་ལྔ་པ་དེ་འོག་མིན་གནས་ཡིན་པར་བརྗོད་ཀྱིན་ཡོད། འོག་མིན་སྟུག་པོ་ནི་ཐེག་པ་ཆེན་པོའི་མདོ་ལས་གསུངས་པའི་འོག་མིན་ཆེན་པོ་རྒྱན་སྟུག་པོ་བཀོད་པ་ཞེས་པ་དེ་ཡིན་ཞིང༌། གནས་དེ་ནི་གཟུགས་ཁམས་གནས་རིས་བཅུ་བདུན་པ་འོག་མིན་གྱི་སྟེང་ན་ཡོད་པའི་གནས་རིས་བཅོ་བརྒྱད་པ་ཞིག་སྟེ། གཞུང་མང་པོར་དབང་ཕྱུག་ཆེན་པོའི་གནས་འོག་མིན་སྟུག་པོ་བཀོད་པ་ཞེས་ས་བཅུ་པ་ཐོབ་པའི་དབང་ཕྱུག་རྣམས་སྐྱེ་བ་ལེན་སའི་གནས་ཤིག་ཡིན་པར་བཤད། ལང་ཀར་གཤེགས་པའི་མདོ་ལས། འདོད་པ་ཁམས་དང་གཟུགས་མེད་དུ། །སངས་རྒྱས་རྣམས་ནི་སངས་མི་རྒྱ། །གཟུགས་ཀྱི་ཁམས་ཀྱི་འོག་མིན་དུ། །འདོད་ཆགས་བྲལ་ཁྱེད་འཚང་རྒྱའོ། །ཞེས་གསུངས་སོ།། །། གཞན་ཡང་འོག་མིན་གྱི་གནས་ཞེས་པ་ལ་རང་སྣང་འོག་མིན་གྱི་ཞིང་ཞེས་བཤད་ཚུལ་ཡོད་ལ། དེ་ནི་ཆོས་ཐམས་ཅད་ཀྱི་གནས་ལུགས་ཆོས་ཀྱི་དབྱིངས་མཐའ་དང་དབུས་མེད་པ་རྒྱ་ཆད་ཕྱོགས་ལྷུང་དང་བྲལ་བ་ལ་གོ་དགོས་ཀྱི། དེ་ནི་ཕྱོགས་འདི་དང་འཁོར་ཡུག་འདི་ལྟ་བུའོ་ཞེས་ཚུར་མཐོང་སྤྲོས་བཅས་ཀྱི་བློས་བཤད་དུ་མེད་དེ། གཟུང་འཛིན་སྤྲོས་པ་དང་བཅས་པ་ཉེ་བར་ཞི་གནས་ལུགས་ཡིན་པས་སོ།། །། དེ་ལྟ་བུ་ལ་འོག་མིན་ཆོས་ཀྱི་དབྱིངས་ཀྱི་ཕོ་བྲང་ཞེས་རྒྱུད་གསང་བ་སྙིང་པོའི་སྐབས་ན་གསུངས་སོ།། །།།